قیامت کی تباہی


قرآنِ کریم کا مطالعہ یہ بتاتا ہے کہ یہ دنیا اوراس کے باسی بہت جلد ایک عظیم حادثے سے دوچار ہونے والے ہیں ۔ یہ حادثہ قیامت کا وہ زلزلہ ہے جو زمین پر ناقابلِ تصورتباہی برپا کرے گا۔جس حادثے کے نتیجے میں ہمالیہ جیسے بلند پہاڑ روئی کے گالوں کی طرح فضا میں اڑ تے پھریں ، اندازہ کیا جا سکتا ہے کہ اس کی شدت کیا ہو گی اور اس کے نتیجے میں انسانوں پر کیا گزرے گی۔

قرآنِ کریم کے ایک طالب علم کے سامنے یہ سوال پیدا ہوتا ہے کہ انسانیت کی موت اس ہولناک طریقے پر کیوں واقع ہو گی۔زندگی کی بساط لپیٹنے کا کوئی آسان طریقہ بھی اختیار کیا جا سکتا تھا۔اصل بات یہ ہے کہ انسان کو اس دنیا میں اللہ کی بندگی کے لیے پیدا کیا گیا تھا۔ مگر لوگ اللہ کے بجائے دوسروں کی بندگی میں لگ گئے ۔ پوری انسانی تاریخ میں بتوں کی پرستش کی جاتی رہی ہے اور آج تاریخ کے ا ختتام پر انسان نے اپنی خواہشِ نفس کو معبود بنالیا ہے ۔ایسے میں قیامت کی عظیم تباہی لوگوں کو یہ بتانے آئے گی کہ جس خدا کو انہوں نے نظر انداز کر دیا تھا وہ کس قدر بلند، طاقتور اور صاحبِ جبروت ہستی ہے۔

عقل کا تقاضا تھا کہ عظیم سمندروں کے خالق کے آگے جھکا جائے ۔ لوگ نہ جھکے ۔سو اب سمند ر خود ابل کراس کی گواہی دیں گے ۔فطرت کا تقاضا تھا کہ بلند پہاڑ وں کے مالک کے سامنے سرنگوں ہوا جائے ۔ انسان نہ ہوا۔ اب پہاڑ ریزہ ریزہ ہوکرخداکی عظمت کا ثبوت دیں گے ۔ پیغمبروں کی تعلیم تھی کہ ساری مخلوق کے رب کواپنی توجہات کاتنہا مرکز بنایا جائے ۔ ابنِ آدم نے اس تعلیم کو بھلادیا۔ اب مخلوق کی مکمل تباہی اسے رب کی بڑ ائی کا احساس دلائے گی۔جولوگ عقل، فطرت اور نبیوں کا پیغام نہ سمجھ سکے ، قیامت ان اندھے ، بہرے غافل لوگوں کو خدا کا تعارف کرائے گی۔اور اس میں کیا شک ہے کہ ایسے اندھے بہروں کو جھنجوڑ نے کے لیے قیامت جیسی تباہی ہی کی ضرورت ہے ۔

3 responses to this post.

  1. مختصر مگر مدلل
    جزاک اللہ خیرا باحسن الجزاء ۔ آمین یا رب۔

    جواب دیں

  2. May Allah bless you. In spite of seeing all the witnesses from different angles about the oneness of Allah we fail to understand Him besides we follow the devil within us n we have made him our Lord. May Allah help us to follow the path that is straight n that is by following the quran n the sunnah of the last prophet(pbuh).

    جواب دیں

  3. واقعی آپ نے بہت اچھے انداز میں بیان کیا ہے ۔ اللہ آپ کو جزائے خیر عطا فرمائے آمین ۔

    جواب دیں

تبصرہ کیجئے

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s