سورہ الناس کا خلاصہ


بسم اللہ الرحمٰن الرحیم
سورہ الناس کا خلاصہ
ڈاکٹر محمد عقیل
تم اپنے شرارت کرنے والے نفس سے کہہ دو، بہکانے والنے انسانوں کو بتادواور وسوسہ ڈالنے والے جنوں کو اعلان کردو کہ میں تم سب کے بہکاووں کے مقابلے میں تمام انسانوں کے پالنے والے کی پناہ میں آتا ہوں۔ وہ پناہ جو چٹانوں سے

زیادہ مضبوط اور پہاڑوں سے زیادہ قوی ہے۔ و ہ پناہ جو بالکل محفوظ و مامون ہے، جس کے ارد گرد فرشتوں کے پہرے ہیں اور جہاں پرندہ بھی پر نہیں مار سکتا۔ یہ اس کی پناہ ہے جو تمام انسانوں کا بادشاہ ہے اور میرابادشاہ اپنے غلام کی حفاظت خوب جانتا ہے۔ یہ اس کی پناہ ہے جو تمام انسانوں کا معبود ہے اورمیرا معبود اپنے بندے کو بچانا خوب جانتا ہے ۔
میں اپنے آقا کی امان میں ہوں ہر اس وسوسہ ڈالنے والے کے شر سے جو دلوں میں جنس ، فساد، حسد، بغض، عداوت، انتقام، مایوسی، الحاد ، بے چینی اور ان گنت منفی خیالات پیدا کرتا ہے۔یہ وہ دشمن ہے جو دوست بن کر وار کرتا ، دل ہی دل میں خیالات پیدا کرتا اور کبھی کھل کر سامنے نہیں آتا ۔یہ دشمن جنات یعنی چھپی ہوئی طاقتوں کے روپ میں بھی ہے جو نظر نہیں آتا ۔ یہ دشمن شریر انسانوں کی شکل میں بھی ہے جواصلاح کے نام پر فساد پھیلاکر چلا جاتا ہے۔ یہ دشمن میرے نفس کی صورت میں بھی ہے جو خواہشوں کی ہوس میں غلط کام کرنے پر اکساتا ہے۔
پس سن لو ، تم سب مل کر بھی کچھ نہیں کرسکتے کیونکہ میری پشت پر میرا بادشاہ کھڑا ہے اور وہی میری امان ہے، وہی میری پناہ کا حصار

Advertisements

تبصرہ کیجئے

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s